ԴԱԻՇ-ի զինյալներն իրենց զինանոցում նոր «զենք» են ավելացրել` կատուներ. ԶԼՄ-ներ
ԴԱԻՇ ահաբեկչական կազմակերպությունը իր հավաքագրման զինանոցում ավելացրել է կատուների, գրում է Muslimpress-ը:
Դաժան ու արյունարբու ԴԱԻՇ-ն իր իմիջը որոշել է մեղմել ու մարդկայնացնել` օգտագործելով կատուների, որպեսզի նոր զինյալներ ներգրավվի իր շարքերը:
Խմբավորման Dabiq կոչվող քարոզչական ամսագրի վերջին համարում տեղադրվել է զինյալի լուսանկար` կատվի ձագի հետ: Լուսանկարին կից հոդվածում ասվում է, որ կատվի ձագը մոտեցել է զինյալին ու ցատկել նրա ձեռքերի մեջ:
Պարբերականը ենթադրում է, որ ԴԱԻՇ-ը ցանկանում է ցույց տալ, որ իր զինյալներն այդքան սարսափելի չեն, եթե կատուներն են ցանկանում գնալ նրանց մոտ:
Լոնդոնի Թագավորական քոլեջի արմատականացման ուսումնասիրության միջազգային կենտրոնի փոխտնօրեն Շիրազ Մահերն ասում է, որ ԴԱԻՇ-ը որդեգրել է հասարակության աչքում իր կերպարը մեղմելու կուրս:
