Emirates-ին պատկանող Boeing 777-ը կոշտ վայրէջք է կատարել Դուբայում և այրվել
Emirates ավիաընկերությանը պատկանող Boeing 777 ինքնաթիռը կոշտ վայրէջք է կատարել Դուբայի օդանավակայանում, ինչից հետո սկսել է այրվել, հայտնում է Telegraph-ը:
«Բոլոր ուղևորները տարհանվել են, ներկայումս տուժածների մասին տեղեկություններ չկան»,- հայտնել են Էմիրությունների իշխանությունները:
Օդանավակայանում չեղյալ են հայտարարվել բոլոր չվերթերը, իսկ ինքնաթիռների վայրէջքն արգելված է:
Emirates ավիաընկերությունը հաստատել է տեղի ունեցածը:
ԶԼՄ-ների տեղեկություններով` անհաջող վայրէջք կատարած ինքնաթիռը Հնդկաստանից իրականացնում էր EK521 չվերթը:
