«ԵԱՀԿ ՄԽ-ն ուսումնասիրում է Հայաստանի և Ադրբեջանի նախագահների հաջորդ հանդիպումը կազմակերպելու հնարավորությունը». Ուորլիք
Անհրաժեշտ է պահպանել դրական պահը Լեռնային Ղարաբաղի բանակցային գործընթացում, Trend-ի հետ զրույցում հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Ամերիկացի դիվանագետի խոսքով` ԵԱՀԿ Մինսկի խմբի համանախագահող երկրները հակված են շարունակել երկխոսությունը Ադրբեջանի և Հայաստանի նախագահների միջև:
Ուորլիքը նաև հայտնել է, որ համանախագահներն ուսումնասիրում են երկու երկրների նախագահների հաջորդ հանդիպման կազմակերպման հնարավորությունը:
«Ներկա պահին մենք տարածաշրջան այցելելու որոշակի պլաններ չունենք, սակայն մենք մշտական կապի մեջ ենք կողմերի հետ` նախապատրաստելու նախագահների հաջորդ հանդիպումը»,- ասել է Ուորլիքը:
Նրա խոսքով` Վիեննայի ու Սանկտ Պետերբուրգի հանդիպումները որոշակի արդյունքներ են տվել շփման գծում բռնությունները նվազեցնելու համար: Բանակցային գործընթացը վերականգնվել է, ձեռք է բերվել բռնությունների ռիսկերը նվազեցնելու համաձայնություն
«Բանակցային գործընթացը վերականգնվել է, համաձայնություն է ձեռք բերվել նվազեցնել բռնության ռիսկերը»,- ասել է Ուորլիքը:
