Հրանտ Դինքի սպանության գործով լրագրող է ձերբակալվել
Ստամբուլի հայկական «Ակօս» թերթի նախկին գլխավոր խմբագիր Հրանտ Դինքի սպանության գործի շրջանակում ձերբակալվել է լրագրող Էրջան Գյունը: Այս մասին տեղեկացնում է թուրքական TRT Haber հեռուստաալիքը:
Լրագրողը ձերբակալվել էր Թուրքիայում ձախողված հեղաշրջման փորձին առնչություն ունենալու կասկածանքով, սակայն ավելի ուշ ազատ է արձակվել` երկրից չհեռանալու պայմանով:
Այդպիսով, Դինքի գործով կալանավորվածների թիվը հասել է 27-ի:
Հիշեցնենք, որ Դինքը սպանվել է «Ակօսի» խմբագրատան դիմաց`2007 թվականի հունվարի 19-ին:
