Վրաստանի հատուկ ծառայությունների ներկայացուցիչները մեկնել են Բաքու
Վրաստանի պետական անվտանգության ծառայության պետ Վախթանգ Գոմելաուրիի գլխավորած պատվիրակությունը ժամանել է Ադրբեջան, հայտնում է haqqin.az պորտալը` վկայակոչելով Ադրբեջանի պետական անվտանգության ծառայության մամուլի ծառայությանը:
Ադրբեջանի պետական անվտանգության ծառայության պետ Մադաթ Գուլիևը հայտարարել է, որ Ադրբեջանի և Վրաստանի բարեկամական հարաբերությունները նպաստում են երկկողմ կապերի զարգացմանը, ինչը անհրաժեշտ է երկու երկրների անվտանգության համար:
Գոմելաուրին ասել է, որ իր ներկայիս այցը կնպաստի երկու երկրների հատուկ մարմինների համագործակցության զարգացմանը:
Հանդիպմանը քննարկվել են անվտանգության հարցերում փոխադարձ հետաքրքրություն ներկայացնող հարցեր, պայմանավորվածություն է ձեռք բերվել ինտենսիվացնել փորձի ու տեղեկությունների փոխանակությունը:
Հանդիպման վերջում կողմերը ստորագրել են Համագործակցության վերաբերյալ հուշագիր:
