Իլհամ Ալիևը Իրանի կապի ու տեղեկատվական տեխնոլոգիաների նախարարի հետ քննարկել է համագործակցության հարցեր
Ադրբեջանի նախագահ Իլհամ Ալիևը երեկ ընդունել է Իրանի կապի ու տեղեկատվական տեխնոլոգիաների նախարար Մահմուդ Վաեզիիի գլխավորած պատվիրակությունը, հայտնում է ադրբեջանական Trend գործակալությունը:
Ալիևը նշել է, որ Ադրբեջանի և Իրանի միջև երկկողմ կապերի օրակարգը շատ լայն է ու ընդգրկում է գրեթե բոլոր ոլորտները` արձանագրելով լավ արդյունք:
Ալիևը բարձր է գնահատել վերջերս Իրան կատարած իր պաշտոնական այցը և Իրանի նախագահ Հասան Ռոուհանիի` Բաքու կատարելիք այցը:
Հանդիպմանը քննարկվել են երկու երկրների համագործակցության հարցերը քաղաքականության, տնտեսության, Կասպից ծովի ոլորտում:
Կայացել է կարծիքների փոխանակություն էներգետիկ, նավթագազային, տրանսպորտային, ներդրումային, ֆինանսական, բանկային, գյուղատնտեսական, զբոսաշրջային, առողջապահական ոլորտների վերաբերյալ
