Թինաթին Խիդաշելին «սխալ» է որակել Վրաստանի պաշտպանության նախարարի նշանակումը
Վրաստանի առողջապահության նախարար Դավիդ Սերգեենկոն մեկնաբանել է Վրաստանի պաշտպանության նախկին նախարար Թինաթին Խիդաշելիի քննադատական հայտարարությունը:
Սերգեենկոյի խոսքով` Խիդաշելին պետք է զերծ մնա խիստ քննադատություններից և մեկնաբանություններից:
«Եթե ես լինեի իմ նախկին գործընկեր Թինաթին Խիդաշելիի փոխարեն, այդքան կտրուկ չէի լինի: Ես թեկուզ մի քանի ժամ կսպասեի, կվերլուծեի ստեղծված իրավիճակը և եզրակացություն չէի անի բոլշևիզմի դրսևորումների մասին»,- ասել է վրացի նախարարը:
Վրաստանի նախկին նախարարը Վրաստանի Պետական անվտանգության ծառայության նախկին աշխատակից Լևան Իզորիայի նշանակումը երկրի պաշտպանության նախարարի պաշտոնում, անվանել է «սխալ», հայտնում է «Գրուզիա օնլայնը»:
