«Ադրբեջանի և Հայաստանի ԱԳՆ ղեկավարների հանդիպման մասին տեղեկություն չկա». Հիքմեթ Հաջիև
Ոչ մի տեղեկություն Ադրբեջանի արտգործնախարար Էլմար Մամեդյարովի և Հայաստանի արտգործնախարար Էդվարդ Նալբանդյանի հանդիպման մասին չկա, այսօր ադրբեջանական Trend-ի հետ զրույցում հայտարարել է Ադրբեջանի արտգործնախարարության մամուլի ծառայության ղեկավար Հիքմեթ Հաջիևը:
Ավելի վաղ ԱՄՆ Կոնգրեսի ներկայացուցիչների պալատի անդամ Ջիմ Կոստան ասել էր, թե օգոստոսին պլանավորված է երկու երկրների արտգործնախարարների հանդիպումը ՌԴ ԱԳՆ ղեկավար Սերգեյ Լավրովի, Ֆրանսիայի ԱԳՆ ղեկավար Ժան-Մարկ Էյրոյի և ԱՄՆ պետքարտուղար Ջոն Քերիի հետ:
