Հակասթրեսային դիմակ դեմքի մաշկի համար

Գեղեցկությունը միշտ սկսվում է խնամված, հարթ մաշկից: Մաշկի խնամքը կօգնի պահպանել այն գեղեցկությունը, որով մեզ օժտել է բնությունը:

Ձեզ ենք ներկայացնում դեմքի մաշկի համար նախատեսված դիմակ, որը հարմար է մաշկի բոլոր տեսակներին: Այս դիմակը պետք է քսել դեմքին տարեկան երկու անգամ՝ 2 շաբաթվա ընթացքում:

Բաղադրություն

• 1 ճ/գ մեղր
• 1 ճ/գ թթվասեր
• 50 գ կաթնաշոռ
• 1 ձու
• 6-10 կաթիլ կիտրոն
• 1-2 սրվակ ալոէ
• B 1 և B 12 վիտամին

Եթե ալոէ կամ վիտամիններ չունեք, ապա կարող եք դրանք փոխարինել ձիթապտղի յուղով:

Բոլոր բաղադրիչները լավ խառնեք ապակե տարայի մեջ, որպեսզի համասեռ զանգված ստանաք: Ստացված քսուքը երեկոյան քսեք նախապես մաքրված դեմքին, թողեք մնա 15-20 րոպե, ապա լվացեք դեմքը սովորականի պես՝ սառը ջրով:

Եթե յուղոտ կամ խառը մաշկ ունեք, ապա դիմակից հետո քսուք կարող եք չքսել: 2 շաբաթ շարունակ, ամեն երեկո կատարեք այս պրոցեդուրան: Դիմակը կարող եք պահել սառնարանում՝ փակ տարայի մեջ:

Նյութը հրապարակման պատրաստեց Լիլիթ Հարությունյանը