Թուրքիայում հատուկ ջոկատայիններին կասկածում են Էրդողանին պատանդառելու փորձի մեջ
Թուրքիայում ձերբակալվել է հատուկ ջոկատայինների խումբ, որին կասկածում են երկրում հեղաշրջման փորձին մասնակցելու մեջ:
Հաղորդվում է, որ հեղաշրջման փորձի ժամանակ այդ խմբին է հանձնարարվել պատանդառել Թուրքիայի նախագահ Ռեջեփ Էրդողանին:
Փախուստի մեջ գտնվող խմբին հայտնաբերել են Մարմարիս քաղաքից ոչ հեռու գտնվող անտառում: Տեղացիները զինվորներին նկատել են վարազի որս անելիս: Զինվորականներին հայտնաբերելու հատուկ գործողության ժամանակ կրակոցներ են լսելի եղել, սակայն զոհերի մասին տեղեկություններ դեռ չկան:
Ինչպես հաղորդում է Anadolu գործակալությունը, անցած գիշեր կալանավորվել է 11 զինվորական, որոնց թվում է նաև մայոր Սուքրու Սեյմենը, ում կասկածում են ձախողված հեղաշրջման կազմակերպման մեջ:
