«Վիտալի Բալասանյանը տղաների համար իշխանություն չէ, ինքը նրանց մարտական ընկերն է»
Անահիտ Բախշյանը ֆեյսբուքյան իր էջում գրում է. ««Սասնա ծռերի» բարձրացրած զինված խռովության ալիքը խելամտորեն ընդհատվեց իրենց կողմից, իշխանություններն ընդառաջ ոչ մի քայլ չարեցին, ընդհակառակը՝ ցույց տվեցին, թե որքան խորն է հասարակության ու իրենց միջև եղած անդունդը:
Վիտալի Բալասանյանը, որի ջանքերը չտեսնել ու չգնահատելն անարդար կլինի, տղաների համար իշխանություն չէ, ինքը նրանց մարտական ընկերն է: Իշխանությունները պարտավոր են շատ բարձր գնահատել տղաների այս քայլը, որովհետև շարունակվելու դեպքում ավելի ցցուն էր երևալու նրանց անկարողությունը, ամլությունն ու գազանությունը:
ԸՆԴՀԱՏՈՒՄԸ ՄԻՇՏ ՉԷ, ՈՐ ՎԵՐՋ Է ՆՇԱՆԱԿՈՒՄ»:
