Պավլիկ Մանուկյանին պատգարակով տեղափոխել են դատարան. որոշվում է նրա կալանքի հարցը
Քիչ առաջ «Սասնա ծռերի» անդամ Պավլիկ Մանուկյանին «Շտապօգնության» մեքենայով պատգարակով «Էրեբունի» հիվանդանոցից տեղափոխել են դատարան:
Պավլիկ Մանուկյանի պաշտպան Ինեսսա Պետրոսյանը լրագրողների հետ զրույցում ասաց, որ քննվելու է Պավլիկ Մանուկյանի կալանքի հարցը. «Պավլիկ Մանուկյանը գտնվում է դատարանում, նրան պատգարակով են տեղափոխել դատարան: Նախաքննական մարմինը միջնորդել է նրա նկատմամբ որպես խափանման միջոց ընտրել երկամսյա կալանքը»,-ասել է նա:
