Ռուսական Life-ի օպերատորը Սարի թաղում տուժել է ոստիկանների գործողությունների հետևանքով
Սարի թաղում ոստիկանների գործողությունների հետևանքով տուժել է նաև ռուսական Life-ի (LifeNews) օպերատորը, որը նկարահանել է տեղի ունեցող իրադարձությունները: Հաղորդվում է, որ նրա մոտ ուժեղ արնահոսություն է սկսվել, ցուցաբերվել է օգնություն: Life-ի թղթակիցը հաղորդել է, որ ոստիկանությունը մարդկանց է բերման ենթարկել, բախումներ են տեղի ունեցել ոստիկանների ու ցուցարարների միջև: Լուսաձայնային նռնակների հետևանքով այրվել է բախումների վայրում գտնվող շինություններից մեկը:
