Հայտնի են ՊՊԾ գնդում վիրավորված անձանց անունները
ՊՊԾ գնդի տարածքում վիրավորվել են «Սասնա ծռեր» խմբավորման անդամներ Արթուր Մելքոնյանն ու Արմեն Լամբարյանը։ Այս մասին ֆեյսբուքյան իր էջում գրել է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը։ «ՊՊԾ գնդի տարածքից կրակահերթեր արձակած եւ իրավապահների պատասխան կրակից վիրավորված Արթուր Մելքոնյանն ու Արմեն Լամբարյանը տեղափոխվել են հիվանդանոց եւ անհրաժեշտ բուժօգնություն են ստանում»,- գրել է Աշոտ Ահարոնյանը:
