Թուրքիայի պաշտպանության նախարարի օգնականը փախել է երկրից
Թուրքիայի պաշտպանության նախարար Ֆիքրի Իշիկի օգնական, գնդապետ Թևֆիկ Գեկը հեռացել է երկրից: Այս մասին թուրքական NTV հեռուստաալիքին տված հարցազրույցում հայտարարել է Թուրքիայի պաշտպանության նախարարը:
Վերջինիս խոսքով` իր օգնականը փախել է Թուրքիայից այն բանից հետո, երբ հարցաքննվել է Ֆեթուլլահ Գյուլենի շարժման դեմ պայքարի շրջանակում:
Իշիկը հայտարարել է, որ գյուլենականների դեմ պայքարի շրջանակում Զինված ուժերում զտումները շարունակվելու են:
Ավելի վաղ հաղորդվել էր, որ Թուրքիայում ռազմական հեղաշրջման փորձից հետո աշխատանքից ազատվել է ընդհանուր առմամբ 110 գեներալ:
