«IAAF-ը թույլ չտվեց ինձ մասնակցել Ռիո-2016-ին». Ելենա Իսինբաևա
Օլիմպիական խաղերի կրկնակի չեմպիոնուհի Ելենա Իսինբաևան հաղորդել է, որ թեթև ատլետիկայի ֆեդերացիաների միջազգային ասոցիացիան (IAAF) մերժել է Ռիո-2016-ին մարզուհու մասնակցության հայտը:
«Հարգելի ընկերներ և ԶԼՄ-ներ, ինֆորմացիան այն մասին, որ ես Ռիո-2016-ի մասնակցության հայտ չեմ ներկայացրել IAAF-ին, սուտ է: 20 րոպե առաջ ես բացասական պատասխան ստացա IAAF-ի քարտուղարից:
Ցավոք սրտի, ինձ համար բացառություն չարվեց: Ինձ թույլ չտվեցին մասնակցել Ռիո-2016-ին: Հրաշք չեղավ: Շատ շնորհակալություն աջակցության համար»,- գրել է Իսինբաևան:
Պատրաստեց Անի Գաբուզյանը
