Զաքիր Հասանովը Ալիևի հրամանով ստուգում է հոսպիտալների և սահմանամերձ զորամասերի վիճակը
Ադրբեջանի պաշտպանության նախարար Զաքիր Հասանովը Ադրբեջանի նախագահ Իլհամ Ալիևի հանձնարարությամբ ստուգել է զորամասերում իրականացվող շինարարության ընթացքը: Այս մասին հայտնում է ադրբեջանական haqqin.az պորտալը` վկայակոչելով Ադրբեջանի պաշտպանության նախարարության մամուլի ծառայությանը:
Հասանովը հետաքրքրվել է բուժիչ-ախտորոշիչ կորպուսի, ադմինիստրատիվ շինությունների շինարարության աշխատանքներով, Գյանջայում նորակառույց զինվորական հոսպիտալի վիճակով:
Հասանովը հետաքրքրվել է նաև շարժական հոսպիտալի նորաստեղծ թերապևտիկ բաժանմունքի պայմաններով, տվել է համապատասխան հանձնարարականներ:
Վերջինս հանդիպել է նաև Լեռնային Ղարաբաղի հետ շփման գծում տանկային զորամասերի անձնակազմերի հետ:
