Եվրահանձնաժողովը նշանակել է Brexit-ի հարցով գլխավոր բանակցողին
Եվրահանձնաժողովի նախագահ Ժան-Կլոդ Յունկերը ֆրանսիացի Միշել Բարնիեին նշանակել է ԵՄ-ից Մեծ Բրիտանիայի դուրս գալու հարցերով գլխավոր բանակցող: Այս մասին ասվում է Եվրահանձնաժողովի կայքում հրապարակված հայտարարության մեջ:
«Այսօր Եվրահանձնաժողովի նախագահ Ժան-Կլոդ Յունկերը Եվրահանձնաժողովի նախկին փոխնախագահ և Ֆրանսիայի նախարար Միշել Բարնիեին նշանակել է գլխավոր բանակցող և ԵՄ-ի 50-րդ հոդվածի համաձայն` Մեծ Բրիտանիայի հետ բանակցություններ անցկացնող աշխատանքային հանձնաժողովի ղեկավար»,- ասված է հայտարարության մեջ:
Ինչպես նշված է հաղորդագրության մեջ, Բարնիեի աշխատանքը համակարգելու է անձամբ Յունկերը:
Սպասվում է, որ Բարնիեն հոկտեմբերի 1-ից ձեռնամուխ կլինի իր պարտականությունների կատարմանը:
