«Սասնա ծռեր»-ի վիրավորված անդամը մեղադրանքը չի ընդունում
«Սասնա ծռեր» խմբավորման վիրավոր անդամ Հովհաննես Հարությունյանն առաջադրված մեղադրանքում իրեն մեղավոր չի ճանաչել։ Հանրային պաշտպան Լյուդվիգ Ավետիսյանն այսօր ներգրավվել է որպես նրա պաշտպան։
Հովհաննես Հարությունյանին մեղադրանք է առաջադրվել ՀՀ քրեական օրենսգրքի 219-րդ և 235-րդ հոդվածներով՝ շենքեր, շինություններ, տրանսպորտի, հաղորդակցության կամ կապի միջոցներ զավթելը, ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը։
Հովհաննես Հարությունյանը ցուցմունք չի տվել։
