Ադրբեջանի Ռազմարդյունաբերական գործարաններից մեկի պայթյունի հետևանքով բնակիչները հեռանում են իրենց տներից
Ադրբեջանի Շիրվան քաղաքում գտնվող Ադրբեջանի պաշտպանական արդյունաբերության նախարարության «Արազ» գործարանում պայթունից հետո հրդեհը շարունակվում է, հայտնում է Oxu.Az կայքը:
Անվտանգության նկատառումներից ելնելով գործարանի հարևանությամբ գտնվող շենքերի բնակիչները լքել են իրենց տները:
Քաղաքում դեռ լսելի են պայթյունների ձայներ: Հրշեջները չեն կարողանում մոտենալ դեպքի վայրին:
Հրդեհաշրջման աշխատանքներում ներգրավված է Ադրբեջանի ԱԻՆ-ի ուղղաթիռ:
Ադրբեջանի պաշտպանական արդյունաբերության նախարարությունը տարածել է հայտարարություն` կապված Շիրվանի գործարանի պայթյունի հետ:
«Այսօր` ժ. 15:35-ին Շիրվան քաղաքի «Արազ» գործարանում հրդեհ է տեղի ունեցել»,- ասված է հայտարարության մեջ:
Հիշեցնենք, որ պայթյունի հետևանքով Շիրվանի քաղաքային հիվանդանոց է տեղափոխվել 12 վիրավոր:
