Թուրքիայի կուսակցությունները պատրաստ են սկսել նոր Սահմանադրության վրա աշխատանքը. վարչապետ
Թուրքիայի իշխող կուսակցությունը ընդդիմության հետ համագործակցելով կնախապատրաստի երկրի Սահմանադրության փոփոխությունները Թուրքիայում ռազմական հեղաշրջման անհաջող փորձից հետո, հայտարարել է Թուրքիայի վարչապետ Բինալի Յըլդըրըմը: Այս մասին հայտնում է BBC-ն:
«Բոլոր գլխավոր կուսակցությունները պատրաստ են սկսել աշխատանքը նոր Սահմանադրության վրա»,- լրագրողներին ասել է Յըլդըրըմը Անկարայում՝ հավելելով, որ նման որոշում կայացվել է Էրդողանի՝ երկրի ընդդիմադիր խմբակցությունների երկու ղեկավարների հետ երեկ կայացած հանդիպման ժամանակ:
Ինչպես նշել է վերջինս, դեռ խոսքը միայն սահմանափակ թվով փոփոխությունների մասին է: Դրանց մասին դեռ քիչ բան է հայտնի:
Յըլդըրըմը հայտնել է միայն, որ որոշ ուժային միավորումներ, օրինակ՝ ժանդարմներն ու փրկարարները փոխանցվելու են քաղաքացիական նախարարությունների վերահսկողության ներքո:
