Ֆլորիդայի գիշերային ակումբներից մեկում հրաձգության հետևանքով 2 մարդ է սպանվել
Նվազագույնը 2 մարդ է սպանվել և 16-ն ստացել է վնասվածքներ հրաձգության արդյունքում, որը տեղի է ունեցել Ֆլորիդա նահանգի Ֆորտ-Մայերս քաղաքի գիշերային ակումբում, հայտնում է BBC-ն:
Ականատեսների վկայությամբ՝ հրաձգությունն սկսվել է երկուշաբթի գիշերը: Այդ ժամանակ ակումբում երեկույթ է տեղի ունեցել, որին ներկա են եղել բազմաթիվ դեռահասներ:
Դեպքի մանրամասները չեն ներկայացվում: Մասնավորապես, դեռ հայտնի չէ, թե քանի հարձակվող է եղել:
Տեղի հեռուստատեսությունը պնդում է, որ նրանցից նվազագույնը մեկը ձերբակալվել է:
