Ագուերոն՝ ԱՊԼ-ի ամենաբարձր վարձատրվող ֆուտբոլիստ
Արգենտինայի ազգային հավաքականի և «Մանչեսթեր Սիթիի» հարձակվող Սերխիո Ագուերոն պատրաստվում է նոր պայմանագիր կնքել անգլիական ակումբի հետ:
The Sun-ը տեղեկացնում է, որ նոր պայմանագրում կա կետ, ըստ որի՝ Ագուերոն շաբաթական կստանա 200 հազար ֆունտ ստերլինգ աշխատավարձ: Նման աշխատավարձը Ագուերոյին կդարձնի ամենաբարձր վարձատրվող ֆուտբոլիստը Անգլիայի Պրեմիեր լիգայում:
Ըստ տեղեկությունների՝ Ագուերոն կերկարաձգի պայմանագիրը ևս 4 տարով:
Սիրարփի Աղաբաբյան
