«Ներս ենք մտել այստեղ՝ առանց որևէ մեկին մեզ մոտ պահելու նպատակի». Վարուժան Ավետիսյան
Այսօր Ոստիկանության պարեկապահակային ծառայության (ՊՊԾ) գնդի շենքի տարածքում տեղի ունեցած ասուլիսի ժամանակ «Հիմնադիր խորհրդարանի» փոխնախագահ Վարուժան Ավետիսյանն ասաց, որ իրականությանը չեն համապատասխանում այն լուրերը, թե իրենք պատրաստվում են հանձնվել:
Նա նշեց, որ սուտ է նաև այն տեղեկատվությունը, թե ինքը չի հաստատել վերջին երկու ոստիկաններին ազատ արձակելու մասին տեղեկատվությունը.
«Ներս ենք մտել այստեղ՝ առանց որևէ մեկին մեզ մոտ պահելու նպատակի: Նման նպատակ մենք չենք ունեցել, ուղղակի ստեղծված իրավիճակում այդ մարդիկ հայտնվել են մեր տարածքում: Մենք որոշեցինք ազատել բոլոր ոստիկաններին, որովհետև նրանց ներկայությունը մեզ մոտ կապ չունի մեր քաղաքական նպատակների հետ»:
Մանրամասները՝ 168.am-ի տեսանյութում:
