ՆԱՏՕի գլխավոր քարտուղարն իր զորակցությունն է հայտնել Գերմանիային
ՆԱՏՕ –ի գլխավոր քարտուղարությունը իր զորակցությունն է հայտնել Գերմանիային` Մյունխենում տեղի ունեցած զինված հարձակման կապակցությամբ: Այս մասին տեղեկացնում է РИА Новостиն:
«Իմ մտքերը այն մարդկանց հետ, ովքեր տուժեցին Մյունխենում տեղի ունեցած այդ անիմաստ հրաձգության հետեւանքով», գրել է Յանս Ստոլտենբերգն իր թուիթերյան էջում:
Գերմանիային իր զորակցությունն է հայտնել նաեւ Լեհաստանը, Իտալիան, Ավստրիան,
Մեքսիկան, Հունաստանը, ինչպես նաեւ Եվրախորհրդի նախագահ Դոնալդ Տուսկը` նշելով, որ ամբողջ Եվրոպան աջակցում է Մյունխենին: Գերմանիայի Մյունխեն քաղաքի «Օլիմպիա» առևտրի կենտրոնում զինված հարձակման հետևանքով սպանվել է 9 , հոսպիտալացվել է 16 մարդ: Տեղի ոստիկանությունը հաղորդել է, որ զինված հարձակվողը 18-ամյա իրանցի է եղել: Հանցագործության դրդապատճառները դեռ հայտնի չեն:
Ոստիկանության տվյալների համաձայն` երիտասարդը գործել է միայնակ և հավանական տարբերակ է այն, որ քաղաքացիների ուղղությամբ կրակ բացելուց հետո ինքնասպան է եղել:
