Սիրիայում ռուս զինծառայող է զոհվել
Սիրիայի Հալեպի շրջանում զոհվել է ազգությամբ ռուս, շարքային զինվոր Նիկիտա Շևչենկոն: Այս մասին հաղորդում է «ՌԻԱ Նովոստի»ին:
Զինվորն ուղեկցել է ավտոշարասյունը, որը տեղափոխում էր սնունդ և ջուր տեղի բնակիչների համար: Բնակավայրերի մոտակայքում ավտոմեքենաների մոտ պայթել են զինյալների կողմից տեղադրված ինքնաշեն պայթուցիկ սարքերը: Ռուս զինվորականները, բժիշկները պայքարել են ծանր վիրավորված զինվորի կյանքը փրկելու համար, սակայն չի հաջողվել:
Վերջին մեկ ամսվա ընթացքում սա Սիրիայում ռուս զինվորի մահվան առաջին դեպքը չէ: Հուլիսի սկզբին խփվել էր Մի 25 ուղղաթիռը, որի հետևանքով ուղղաթիռում գտնվող երկու զինվորը մահացել է:
