Մինսկի խմբի համանախագահները կշարունակեն Սարգսյան-Ալիև հանդիպման հարցով աշխատանքը. Ուորլիք
ԵԱՀԿ Մինսկի խմբի համանախագահները կշարունակեն Հայաստանի և Ադրբեջանի նախագահների հնարավոր հանդիպման կազմակերպմանն ուղղված աշխատանքը։ Այս մասին RIA Novosti-ին տեղեկացրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը։
«Հայաստանի և Ադրբեջանի նախագահների հաջորդ հանդիպման հստակ ժամանակը հայտնի չէ։ ԵԱՀԿ ՄԽ համանախագահները, ի դեմս ԱՄՆ-ի, Ռուսաստանի և Ֆրանսիայի, կնպաստեն կողմերի միջև ամենաբարձր մակարդակով երկխոսության շարունակությանը և կշարունակեն աշխատանքը, որն ուղղված է Հայաստանի և Ադրբեջանի նախագահների հնարավոր հանդիպման կազմակերպմանը»,- հայտարարել է Ուորլիքը։
