Թուրքիան Հունաստանից պահանջում է վերադարձնել փախուստի դիմած թուրք զինվորականներին
Թուրք զինվորականները, որոնք Թուրքիայում պետական հեղաշրջման փորձից հետո փախել են Հունաստան և քաղաքական ապաստան խնդրել, դրա իրավունքը չունեն, այսօր հայտարարել է Թուրքիայի արտգործնախարար Մևլյութ Չավուշօղլուն: Այս մասին հայտնում է RIA Novosti-ն:
«Հեղաշրջման անդամները փորձում են քաղաքական ապաստան ստանալ Հունաստանում, սակայն նրանք քաղաքական ապաստան ստանալու իրավունք չունեն պետական հեղաշրջմանը մասնակցելու փորձի հետևանքով:
Մենք հունական կառույցներից ակնկալում ենք համագործակցություն և այդ դավաճանների արտահանձնումը հայրենիք՝ օրենքի շրջանակում»,- հայտարարել է Չավուշօղլուն թուրքական TRT հեռուստաալիքի եթերում:a
