Թրամփը պաշտոնապես համաձայնել է դառնալ ԱՄՆ նախագահի թեկնածու
Միլիարդատեր Դոնալդ Թրամփը պաշտոնապես համաձայնել է դառնալ ԱՄՆ նախագահի թեկնածու Հանրապետական կուսակցությունից, հայտնում է BBC-ն:
Կուսակցության համագումարում, որն անցկացվում էր Քլիվլենդ քաղաքում, նա խոստացել է նախագահ ընտրվելու դեպքում երկիրը դարձնել անվտանգ, բարգավաճ և խաղաղ:
Ավելի վաղ համագումարում նա ստացել էր ձայների մեծամասնությունը, որը երաշխավորում էր որպես Հանրապետական կուսակցության թեկնածու հանդես գալը:
Նրա օգտին քվեարկել է 1604 պատվիրակ անհրաժեշտ 1237 ձայների դիմաց:
Նախագահի ընտրությունները տեղի են ունենալու նոյեմբերի 8-ին:
Դեմոկրատական կուսակցությունն այս շաբաթ կհայտարարի իր թեկնածուի անունը:
ԱՄՆ նախագահական ընտրություններում Թրամփի հավանական հակառակորդը Հիլարի Քլինթոնն է:
