Ֆրանսիան կստուգի ուժայինների աշխատանքի արդյունավետությունը Նիսի հարձակման ժամանակ
Ֆրանսիայի ներքին գործերի նախարար Բեռնար Կազնևը հայտարարել է, թե իշխանությունները ստուգում են ոստիկանների գործողությունների հաջորդականությունը Նիսում մարդկանց վրա հարձակման ժամանակ:
Իշխանությունները այդ ստուգումներն սկսել են Ֆրանսիայի կառավարության, ուժայինների ու հատուկ ծառայությունների հասցեին ուղղված աճող քննադատությունների ֆոնին:
Քննադատների կարծիքով՝ հարձակման պատասխանատվությունը, որը խլել է ավելի քան 80 մարդու կյանք, մասնակի ընկած է իշխանությունների վրա, որը բավականաչափ միջոցառում չի ձեռնարկել Նիսում հարձակման ժամանակ:
Հուլիսի 18-ին Նիս ժամանած Ֆրանսիայի վարչապետին ամբոխը սուլոցներով էր դիմավորել: Նրա հասցեին հնչել էին «Մարդասպան» և «Հրաժարական տուր» կոչերը:
Հիշեցնենք, որ հուլիսի 14-ին բեռնատարը մխրճվել էր ամբոխի մեջ, ինչի հետևանքով սպանվել էր 84 մարդ:
