Կրեմլը՝ Թուրքիայում արտակարգ դրություն հաստատելու մասին
Թուրքիայում արտակարգ ռեժիմ սահմանելը այդ երկրի ներքին գործն է, հայտարարել է ՌԴ նախագահի մամուլի քարտուղար Դմիտրի Պեսկովը: Այս մասին հայտնում է RIA Novosti-ն:
«Դա Թուրքիայի ներքին գործն է»,- ասել է Պեսկովը լրագրողներին:
Թուրքիայում 3 ամսով արտակարգ դրություն սահմանելու մասին նախօրեին հայտարարել է Թուրքիայի նախագահ Ռեջեփ Էրդողանը Անվտանգության նիստի և երկրի կառավարության արդյունքներով:
Նրա խոսքով՝ արտակարգ ռեժիմը սահմանվում է, որպեսզի արդյունավետ ու արագ միջոցներ ձեռնարկվեն հեղաշրջմանն առնչություն ունեցող մարդկանց դեմ:
Թուրք նախագահը հայտարարել էր, թե դա չի վնասի ժողովրդավարությանը, քաղաքացիների իրավունքներին ու ազատությանը, հակառակը, դրանք կամրապնդի:
