Ծայրահեղ ծանր կամ կյանքին վտանգ սպառնացող դեպքեր չունենք. Արմեն Մուրադյանը՝ վիրավորվածների վիճակի մասին
«Առավոտյան ժամը 9-ի դրությամբ բուժհաստատություններ դիմել է շուրջ 51 քաղաքացի, որից 29-ը՝ ոստիկաններ։ Բոլորին ցուցաբերվել է ժամանակին և պատշաճ բուժօգնություն։ Ծայրահեղ ծանր կամ կյանքին վտանգ սպառնացող դեպքեր չունենք»,- այս մասին լրագրողների հետ զրույցում ասաց ՀՀ առողջախահության նախարար Արմեն Մուրադյանը՝ խոսելով ՊՊԾ գնդի մոտակայքում երեկ գիշեր տեղի ունեցած իրադարձությունների հետևանքով վնասվածքներ ստացած քաղաքացիների վիճակի մասին։
Անդրադառնալով հուլիսի 17-ին ՊՊԾ գնդի տարածքում վիրավորվածների վիճակի մասին՝ Արմեն Մուրադյանն ասաց, որ Գագիկ Մկրտչյանի վիճակն էր ծանր, բայց այսօր դրական միտում կա, և հնարավոր է՝ անջատվի արհեստական շնչառության ապարատը։ Նա նշեց նաև, որ անհրաժեշտության դեպքում որևէ մեկին բուժօգնություն անհսանելի չի լինի։
