Շտայնմայերը հորդորել է Թուրքիային հնարավորինս շուտ չեղյալ համարել արտակարգ դրությունը
Գերմանիայի արտաքին գործերի նախարար ՖրանկՎալտեր Շտայնմայերը հորդորել է Թուրքիայի իշխանություններին երկրում պահպանել արտակարգ դրությունը միայն անհրաժեշտ ժամանակահատվածում և հնարավորինս շուտ այն դադարեցնել: Այս մասին տեղեկացնում է Reutersը:
Շտայնմայերը հորդորել է Թուրքիայի իշխանություններին հարգել օրենքի գերակայությունը և երկրում հեղաշրջման փորձի դեմ կիրառվող պատասխան քայլերում լինել համաչափ:
Թուրքիայի նախագահ Ռեջեբ Թայիփ Էրդողանը հուլիսի 20ին հայտարարել է երեք ամսով երկրում արտակարգ դրություն մտցնելու մասին:
«Թուրքիայում ռազմական հեղաշրջման փորձի հետ կապված սահմանադրության 120րդ հոդվածի համաձայն երեք ամսով արտակարգ դրություն է մտցվում, որպեսզի ավելի արդյունավետ եւ արագ քայլեր ձեռնարկվեն քաղաքացիների իրավունքների եւ ազատությունների ապահովման համար», Թուրքիայի անվտանգության խորհրդի եւ կառավարության նիստի արդյունքներով հայտարարել է նա:
