Բրյուսելի ոստիկանությունը հատուկ օպերացիա է անցկացնում
Բրյուսելի ոստիկանությունը շրջապատել է մի տղամարդու, որը իրեն կասկածելի է պահել ու կրել է երկար վերարկու, որից լարեր են կախված եղել, հայտնում է BBC-ն՝ հղում կատարելով բելգիական ԶԼՄ-ներին:
Լայնամասշտաբ ոստիկանական օպերացիան անցկացվում է Բելգիայի մայրաքաղաքի կենտրոնում՝ «Լա Մոննե» հրապարակի մոտ:
Դեպքի վայրում աշխատում է սակրավորների թիմը: Մարդիկ տարհանվել են հարակից խանութներից, շրջանի փողոցներն արգելափակվել են:
Ոստիկանությունը հայտարարել է, որ իրավիճակը վերահսկվում է, սակայն կասկածյալը դեռ չի ձերբակալվել:
