Ֆրանսիայի իշխանությունները պարզել են Նիսի ահաբեկչության բոլոր զոհերի ինքնությունը
Նիսի ահաբեկչության բոլոր՝ 84 զոհի ինքնությունը պարզվել է, հայտնում են ֆրանսիական լրատվամիջոցները:
Ֆրանսիայի իշխանությունները դեռ չէին հրապարակել զոհերի ամբողջական ցուցակը:
Ավելի վաղ Ֆրանսիայի նախագահ Ֆրանսուա Օլանդը հայտնել էր, որ հիվանդանոցում գտնվող 15 տուժածները գտնվում են «կյանքի և մահվան սահմանագծում»:
Հիշեցնենք, որ Բաստիլի գրավման օրը բեռնատարը մխրճվել էր զբոսնող և հրավառությամբ հիացող մարդկային ամբոխի մեջ: Տասնյակ մարդիկ վիրավորվել էին:
