Տարեսկզբից Միջերկրական ծովով Եվրոպա են ժամանել ավելի քան 240 հազար միգրանտներ եւ փախստականներ
2016 թվականի սկզբից ի վեր Միջերկրական ծովով Եվրոպայի երկրներ են ժամանել ավելի քան 240 հազար միգրանտներ եւ փախստականներ: Այս տվյալները հրապարակել Է Միգրացիայի միջազգային կազմակերպությունը:
Կազմակերպության տվյալներով՝ ավելի քան 2,9 հազար մարդ Է զոհվել կամ անհայտ կորել՝ փորձելով հասնել մինչեւ Եվրոպայի պետություններ: Ինչպես նշված Է կազմակերպության լրատվական տեղեկագրում, հունվարի 1ից մինչեւ հուլիսի 17ը Եվրոպայի երկրներ ժամանած միգրանտների եւ փախստականների ընդհանուր թիվը հասել Է 240 884ի:
Զոհվածների եւ անհայտ կորածների թվում կա 2954 մարդ: Դա զգալիորեն ավելի շատ Է, քան անցյալ տարվա առաջին յոթ ամիսներին զոհվածների թիվը (1906 մարդ), հաղորդել Է ՏԱՍՍը:
