Մեսսիի հետ նկարվելու համար երկրպագուն ցատկել է նավից
Արգենտինացի ֆուտբոլիստ Լիոնել Մեսսին ընտանիքի հետ հանգստանում է Իբիցայում: Ի տարբերություն շատ ֆուտբոլային աստղերի՝ Մեսսին չի խուսափում հանդիպումներից և հանգստանում է բոլորի հետ նույն վայրում: Սա է պատճառը, որ Իբիցայում Մեսսիի հետ հանդիպելն ու շփվելն այնքան էլ բարդ չէ:
Հետաքրքիր միջադեպ է տեղի ունեցել երեկ: Մեսսիի մեծ երկրպագու Լևս Սալինեսը նկատել է զբոսանավում կանգնած իր կուռքին: Առանց երկար մտածելու՝ նա ցատկել է իրենց նավից և լողալով հասել է մինչ Մեսսիին տեղափոխող զբոսանավը: Տեսնելով երկրպագուին՝ Մեսսին անակնկալի է եկել:
Սալինեսն ու Մեսսին զրուցել են 20 րոպե, միասին նարնջի հյութ են խմել: Այնուհետև տեսնելով, որ երկրպագուի հեռախոսը ջրի պատճառով շարքից դուրս է եկել՝ Մեսսին նավաստիներից մեկին խնդրել է լուսանկարել իրենց:
El Mundo Deportivo-ն գտել և խոսել է խենթ երկրպագուի հետ: Սալինեսը պատմել է, որ
Մեսսին չափազանց համեստ և բարեհամբույր ֆուտբոլիստ է: Այս հանդիպման համար Սալինեսն անգամ չի ափսոսում թանկարժեք սմարտֆոնի կորուստը:
Սիրարփի Աղաբաբյան
