Բուքմեյքերական գրասենյակը Լոնդոնի ռուսական դեսպանատան մոտ տեղադրել է արկղ՝ մեդալները վերադարձնելու համար
Paddy Power-ը կոչ է անում ռուսաստանցի մարզիկներին՝ վերադարձնել մրցանակները, որոնք նրանք նվաճել են ոչ ազնիվ ճանապարհով:
«Մենք ռուսական դեսպանատան մոտ տեղադրել ենք մեդալները վերադարձնելու համար նախատեսված արկղ այն մարզիկների համար, ովքեր նվաճել են մրցանակներն անօրինական ճանապարհով»,- ասվում է Paddy Power-ի թվիթերյան էջում:
Երկուշաբթի WADA-ի անկախ հանձնաժողովը՝ Ռիչարդ Մաքլարենի գլխավորությամբ, հրապարակեց զեկույց ռուսական սպորտում տեղ գտած դոպինգի մասին: Ըստ դրա արդյունքների, Համաշխարհային հակադոպինգային գործակալությունը հանձնարարել է թույլ չտալ ռուսաստանցի մարզիչների մասնակցությունը միջազգային մրցաշարերին, ներառյալ՝ Օլիմպիական խաղերը:
Պատրաստեց Անի Գաբուզյանը
