Անհրաժեշտ է իշխանություններ-ապստամբներ անմիջական երկխոսություն՝ առանց միջնորդների
ԱԺ պատգամավոր Հրանտ Բագրատյանի գլխավորած «Ազատություն» կուսակցության վարչությունը մայրաքաղաքում ՀՀ ոստիկանության ՊՊԾ գունդը գրավելու, քաղաքական պահանջներ առաջադրելու և ակտիվիստների ձերբակալությունների հետ կապված հայտարարություն է ընդունել՝ շեշտադրելով հետևյալը.
«Ստեղծված իրավիճակում միակ ելքը հետագա բռնությունների ու ծայրահեղությունների բացառումն է.
պետք է իշխանություններ-ապստամբներ անմիջական երկխոսություն՝ առանց միջնորդների.
իշխանությունները պետք է դադարեցնեն քաղաքական ակտիվիստների և քաղաքացիական հասարակության ներկայացուցիչների հալածանքներն ու ձերբակալությունները»։
Կուսակցության վարչությունը նաև ցավակցություն է հայտնել իր պաշտոնական պարտականությունները կատարելիս զոհված գնդապետ Արթուր Վանոյանի հարազատներին ու ազգականներին։
