Ալմաթիում ահաբեկչության զոհերի թիվը հասել է 6-ի
Ալմաթիում հրաձգության զոհերի թիվը հասել է 6-ի, հայտնում է RIA Novosti-ն:
Ինչպես հաղորդվում է, մահացել է ևս մեկ ոստիկան, որը վնասվածք էր ստացել հարձակման հետևանքով: Այս մասին ասվում է ոստիկանության մամուլի ծառայության հաղորդագրության մեջ:
Ոստիկանությունում նշել են, որ հիվանդանոցի վերակենդանացման բաժանմունքում մահացել է հրազենային վիրավորում ստացած ևս մեկ ոստիկան:
Ավելի վաղ հաղորդվել էր, որ Ալմաթիի ահաբեկչության ընթացքում սպանվածների ընտանիքներին կվճարվի 44 հազար դոլար փոխհատուցում:
Հիշեցնենք, որ Ալմաթիում հուլիսի 18-ին հարձակում է իրականացվել ոստիկանության բաժանմունքի և Ազգային անվտանգության կոմիտեի տեղի բաժնի աշխատակիցների նկատմամբ:
