Էրդողանը խոստացել է Ստամբուլի Գեզի պուրակում կայազորներ կառուցել
Թուրքիայի նախագահ Ռեջեփ Էրդողանը երկրում հեղաշրջման փորձի ձախողումից հետո հայտարարել է, որ Ստամբուլի Թաքսիմ շրջանի Գեզի պուրակի տեղում կայազորի շինարարության նախագիծը, որը 2013թ. դարձել էր բողոքի ակցիաների պատճառ, կյանքի է կոչվելու:
«Մենք կսկսենք կառուցել պատմական կայազորներ Թաքսիմում՝ դուր կգա դա ձեզ, թե ոչ»,- ասել էրդողանը՝ ելույթ ունենալով Ստամբուլում՝ իր կողմնակիցների առաջ: Հեռարձակումն իրականացրել է NTV հեռուստաալիքը:
Ավելի վաղ Թաքսիմ հրապարակում վերականգնման ծրագրով նախատեսվում էին կառուցել առևտրի կենտրոն ու զինվորական կայազորներ, որոնք ունենալու էին Օսմանյան կայսրության ժամանակների հին զինվորական շենքերի տեսք:
Գեզի պուրակում ծառահատման դեմ բողոքը վերաճեց երկրի կառավարության դեմ բողոքի մեծ ցույցերի:
