Գերմանիայի ոստիկանությունը գնդակահարել է կացնով գնացքի ուղևորների վրա հարձակված աֆղանցուն
Տղամարդը, որը երեկ ուշ երեկոյան կացնով հարձակվել էր Բավարիայի արվարձանային գնացքի ուղևորների վրա, գնդակահարվել է, հայտնում է BBC-ն՝ հղում կատարելով Գերմանիայի ոստիկանությանը:
Դեպքի հետևանքով նվազագույնը 3 մարդ ստացել է լուրջ վնասվածք, 1-ը թեթև վնասվածք է ստացել, ևս 14 մարդ գտնվում է շոկային վիճակում:
Հարձակման մեջ կասկածվում է 17-ամյա մի աֆղանցի, որը բնակվել է Օքսենֆուրտ քաղաքում, հայտնում է Deutsche Welle-ն՝ հղում կատարելով Բավարիայի ՆԳՆ ղեկավարին:
Որոշ տեղեկությունների համաձայն՝ երիտասարդը փախստական է եղել, որը Գերմանիա էր ժամանել վերջերս:
Դանակով ու կացնով զինված՝ երիտասարդը հարձակվել է կառամատույցում սպասող մարդկանց վրա:
Երբ գնացքը կանգ է առել, հանցագործը փորձել է փախչել, սակայն հանդիպել է ոստիկանության ջոկատին, որը նրան գնդակահարել է:
