Հրաձգություն Վրաստանի արդարադատության նախարարության շենքի տարածքում
Թբիլիսիում՝ Վրաստանի արդարադատության նախարարության պատիժների կրման Ազգային բյուրոյի բակում, այսօր հրաձգություն է տեղի ունեցել, հայտնում են վրացական լրատվամիջոցները:
Պատիժների կրման Ազգային բյուրոյի մամուլի ծառայությունից լրագրողներին տեղեկացրել են, որ կոնֆլիկտը ծագել է երկու անձանց միջև, որոնք հրազենից միմյանց ուղղությամբ կրակ են բացել:
Գերատեսչության տվյալով՝ երկուսն էլ հոսպիտալացվել են:
Մամուլի ծառայությունից ընդգծել են, որ «դեպքը ոչ մի կապ չունի Պատիժների կրման Ազգային բյուրոյի հետ, դա եղել է կոնֆլիկտ երկու մասնավոր անձանց միջև»:
Դեպքի վայրում աշխատում են ոստիկանները:
