Զինված խմբի կողմից հարձակման ընթացքում սպանվել է ոստիկանության գնդապետ Արթուր Վանոյանը
ՀՀ փոխոստիկանապետ Հունան Պողոսյանը քիչ առաջ լրագրողների հետ զրույցում տեղեկացրեց, որ զինված խմբի կողմից հարձակման ընթացքում սպանվել է ոստիկանության գնդապետ Արթուր Վանոյանը, վիրավորվել են ոստիկանության գնդապետ Արամ Հովհաննիսյան ,փոխգնդապետ Հրաչ Խոստեղյան, ոստիկանության ենթասպա Գագիկ Մկրտչյան: Ոստիկանության մի քանի ծառայողներ մարմնական վնասվածքներ են ստացել:
