ԱՄՆ հատուկ ծառայությունները Սպիտակ տան անվտանգության նոր կարգավորումներ կմշակեն
Նիսում տեղի ունեցած ահաբեկչության ֆոնին ամերիկյան հատուկ ծառայությունները մշակում են Սպիտակ տան անվտանգության նոր կարգավորումներ: Այս մասին հաղորդում է «Ռիա Նովոստին»:
Նույն համատեքստում ամերիկացի կոնգրեսական Սթիվեն Լինչը կոչ է արել ամերիկյան անվտանգության մարմիններին եզրակացություններ անել ու դասեր քաղել Ֆրանսիայում տեղի ունեցած ահաբեկչություններից:
Ֆրանսիայի միջերկրածովյան Նիս քաղաքում հուլիսի 14-ի երեկոյան, երբ ֆրանսիացիները նշում էին Ազգային տոնը՝ Բաստիլի օրը, իրականացված ահաբեկչության հետևանքով զոհերի թիվը հասել է 84-ի: Եվս 18 մարդ ծայրահեղ ծանր վիճակում է: Բեռնատարը մխրճվել է ազգային տոնի առիթով քաղաքի կենտրոնական հատվածներից մեկում հավաքված ամբոխի մեջ, ապա կրակ բացել մարդկանց ուղղությամբ:
Վարորդը սպանվել է ոստիկանների կողմից: Ահաբեկչության հեղինակը Մուհամեդ Լահուաեջ Բուհլելն է` Ֆրանսիայում բնակվող և ծագմամբ թունիսցի 31-ամյա երիտասարդ:
