Էյֆելյան աշտարակը և Վեստմինստերյան պալատը կլուսավորվեն ֆրանսիական եռագույնի գույներով
Փարիզի Էյֆելյան աշտարակը հուլիսի 15-ի երեկոյան կլուսավորվի Ֆրանսիայի եռագույնի գույներով` կապույտ, սպիտակ, կարմիր` ի հիշատակ Նիս քաղաքում տեղի ունեցած ահաբեկչության զոհերի: Այս մասին հաղորդում են ֆրանսիական լրատվամիջոցները:
Մեծ Բրիտանիայի խորհրդարանի թվիթերյան էջն էլ տեղեկացնում է, որ նույն ժամանակ Ֆրանսիական եռագույնի գույներով կլուսավորվի նաև բրիտանական խորհրդարանը` Վեստմինստերյան պալատը:
Ֆրանսիայի միջերկրածովյան Նիս քաղաքում հուլիսի 14-ի երեկոյան, երբ ֆրանսիացիները նշում էին Ազգային տոնը՝ Բաստիլի օրը, իրականացված ահաբեկչության հետևանքով զոհերի թիվըհասել է 84-ի: Եվս 18 մարդ ծայրահեղ ծանր վիճակում է: Բեռնատարը մխրճվել է ազգային տոնիառիթով քաղաքի կենտրոնական հատվածներից մեկում հավաքված ամբոխի մեջ, ապա կրակբացել մարդկանց ուղղությամբ:
Վարորդը սպանվել է ոստիկանների կողմից: Ահաբեկչությանհեղինակը Մուհամեդ Լահուաեջ Բուհլելն է` Ֆրանսիայում բնակվող և ծագմամբ թունիսցի 31-ամյա երիտասարդ:
