Ֆրանսիան փակել է դիվանագիտական ներկայացուցչությունները Թուրքիայում
Անկարայում Ֆրանսիայի դեսպանությունը և Ստամբուլում Ֆրանսիայի գլխավոր հյուպատոսությունն անվտանգության նկատառումներից ելնելով փակվել են: Այս մասին հայտարարություն է տեղադրվել Ֆրանսիայի դեսպանության պաշտոնական կայքում: Թուրքական «Հուրիեթ» պարբեաականի փոխանցմամբ՝ Թուրքիայում Ֆրանսիայի դիվանագիտական ներկայացուցչությունները հուլիսի 13-ից` տեղի ժամանակով 13:00-ից, փակ կլինեն մինչև համապատասխան հրահանգը:
Միաժամանակ չեղյալ են հայտարարվել Անկարայում, Ստամբուլում և Իզմիրում հուլիսի 14-ին նախատեսված տոնակատարությունները` նվիրված Ֆրանսիայի ազգային տոնին:
