Թուրքիայի «Ազգայնական շարժում» կուսակցության ղեկավարը կանչվել է ցուցմունք տալու
Թուրքիայի ընդդիմադիր «Ազգայնական շարժում» կուսակցության ղեկավար Դևլեթ Բահչելին Անկարայում կանչվել է ցուցմունք տալու: Այս մասին տեղեկացնում է թուրքական «Անադոլու» գործակալությունը:
Բահչելիի հարցաքննությունը տեղի կունենա Բուրսայի դատախազության կողմից` 2013 թվականի մարտի 13-ին կազմակերպած հանրահավաքում ունեցած ելույթի ժամանակ «ժողովրդին հրապարակայնորեն հրահրելու» մեղադրանքով սկսված հետաքննության շրջանակում:
Թուրքիայի ազգային մեծ ժողովում մայիսի 20-ին քվեարկության միջոցով ընդունվել է սահմանադրական փոփոխության առաջարկը, որով նախատեսվում է անձեռնմխելիությունից զրկել այն պատգամավորներին, ում գործով դատական մարմինների կողմից հետաքննություն է անցկացվում:
Հունիսի 8-ին Թուրքիայի նախագահ Ռեջեփ Թայիփ Էրդողանը ստորագրել է պատգամավորներին անձեռնմխելիությունից զրկելու մասին օրինագիծը: 57 պատգամավորի դեմ 117 դատական գործ է պատրաստվել:
