Տղամարդը մեղադրվում է 7-ամյա աղջկա նկատմամբ անառակաբարո գործողություններ կատարելու մեջ
Ավարտվել է անչափահասի նկատմամբ անառակաբարո գործողություններ կատարելու վերաբերյալ քրեական գործի նախաքննությունը:
Քրեական գործի շրջանակներում տղամարդուն մեղադրանք է առաջադրվել այն բանի համար, որ նա բնակվելով հանրակացարանում, անառակաբարո գործողություններ կատարելու դիտավորությամբ շենքի հարկերի միջանկյալ հատվածում հանդիպել է նույն շենքի մանկահասակ բնակչին` 7-ամյա մանկահասակ աղջկան, և իր սեփական սեռական պահանջմունքների բավարարման հանցավոր մտադրությունն իրականացնելու նպատակով իջեցրել է վերջինիս տաբատը և ներքնազգեստը, որից հետո ձեռքերով հպվել նրան, նրա նկատմամբ կատարել անառակաբարո գործողություններ:
Նշենք, որ Քրեական օրենսգրքի այն հոդվածը, որով մեղադրանք է առաջադրվել տղամարդուն, որպես պատիժ՝ նախատեսում է ազատազրկում՝ երեքից յոթ տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով կամ առանց դրա:
