Բերնի Սանդերսն իր աջակցությունն է հայտնել Հիլարի Քլինթոնին
Ամերիկացի սենատոր Բերնի Սանդերսը պաշտոնապես իր աջակցությունն է հայտնել ԱՄՆ նախագահական ընտրություններում դեմոկրատական կուսակցության թեկնածու Հիլարի Քլինթոնին: Ինչպես հաղորդում են ամերիկյան լրատվամիջոցները, այս մասին Սանդերսը հայտարարել է Քլինթոնի հետ համատեղ հանրահավաքի ընթացքում Նյու Հեմփշիր նահանգում:
«Հիլարի Քլինթոնը հաղթել է Դեմոկրատական կուսակցության թեկնածուն դառնալու համար պայքարը: Ես նրան շնորհավորում եմ այս կապակցությամբ: Մտադիր եմ անել հնարավորը, որպեսզի նա դառնա ԱՄՆ նախագահ»,- ասել է Բերնի Սանդերսը:
Դեմոկրատական կուսակցության նախնական ընտրությունների մեկնարկից ի վեր Վերմոնտից ընտրված սենատոր Բերնի Սանդերսը Քլինթոնի հիմնական, իսկ քարոզարշավի կեսերից արդեն միակ մրցակիցն էր:
